Raporti mujor

Situata sot

Muaji shtator filloi me një lajm tragjik: një 15 vjeçar vrau me thikë një djalë një vit më të vogël se ai, për shkak të një grindje gjatë një ndeshje futbolli. Gazetat shkruajtën se babai i vrasësit e shtyu atë të bënte këtë gjest, duke i thënë: “Nëse nuk e bënë, nuk je burrë”.
Përveç kësaj, më 6 shtator një burrë është vrarë për gjakmarrje. Viktima kishte plagosur një person në vitin 2012 dhe vrasja është një formë hakmarrje për dëmin e shkaktuar më parë. Për më tepër, viktima sapo ishte kthyer nga jashtë shtetit, ku kishte kërkuar azil, sepse kishte frikë nga gjakmarrje, por i kishin refuzuar kërkesën. Një rast i ngjashëm ka ndodhur në prill, për këtë arsye hartuam një thirrje që ia dërguam institucioneve kombëtare dhe ndërkombëtare në Shqipëri, me shpresën që të merren masat e duhura për të siguruar mbrojtjen efektive të të gjitha personave të përfshirë në fenomenin e gjakmarrjes. Gjatë gjithë muajit, kemi regjistruar disa raste plagosje dhe vrasjeve të lidhura me debatet për pronat. (më tepër…)

Situata sot

Në muajin Gusht, në shtypin shqiptar janë raportuar konflikte të shumta, disa prej tyre për fat të keq janë shndërruar në vrasje. Më 10 Gusht, një burrë është vrarë në Shkodër për arsye të paqarta dhe me sa duket i lidhur, sipas policisë, me në një rast gjakmarrje i cili ka shkaktuar në të kaluarën vdekjen e katër njerëzve. Më 14 Gusht, është arrestuar një i arratisur prej 39 vjetësh i cili, në vitin 1999, kishte vrarë dy persona për hakmarrje. Monitorimi i mediave ndihmon për mbledhjen e vazhdueshme të informacioneve rreth shkeljeve të të drejtave të njeriut të shkaktuara nga praktika e gjakmarrjes. (më tepër…)

Situata sot

Në fund të muajit, në Tiranë, një shpërthim dëmtoi shtëpinë e një njeriu, për fat të mirë pa plagosur askënd. Personi tha se sulmi ishte një hakmarrje për një vrasje të kryer nga djali i tij në vitin 2015. Që atëherë, kjo familje ka pësuar katër sulme me dinamit, si dhe një atentat të bërë kundër djalit në burg. Klani ka deklaruar se, nëse nuk ka ndërhyrje nga drejtësia e shtetit, do të bëjë vetëgjyqësi. Përveç kësaj, këtë muaj, dikush qëlloi në drejtim të shtëpisë së një njeriu në fshatin Fierzë, në malet e Tropojës. Në gazeta dyshohet se incidenti është rezultat i një përshkallëzim të dhunës midis agresorit dhe një shoferi furgoni të zonës. Cikli i dhunës filloi me disa plumbat të shkrepura në drejtim të furgonit, dhe vazhdoi me kërcënimet e armatosura nga djali i shoferit. Situata të ngjashme shpesh degjenerojnë në raste gjakmarrje. (më tepër…)

Situata sot
Në muajin qershor kanë ndodhur dy ngjarje që lidhen me gjakmarrjen. Në fillim të këtij muaji është arrestuar një person i cili është akuzuar të ketë bërë një sulm me dinamit kundrejt një qytetari, korrikun e kaluar. Hetimet kanë zbuluar se ai ka marrë hak për një sulm të pësuar në vitin 1997, ku ka mbetur i plagosur, dhe ku kanë humbur jetën dy persona të tjerë. Nga mesi i qershorit, një burrë është vrarë në Shkodër, pranë servisin të tij ku punonte për riparimin e automjeteve. Dyshohet për vrasje me pagesë si shkak i një konflikti të mëparshëm, në të cilën kanë qënë të përfshirë disa nga anëtarë e familjes së viktimës. (më tepër…)

Situata sot

Në muajin Maj, përveç disa vrasjeve për arsye të dobëta ose për konflikte pronash, ndodhi një rast i rëndë që vë në dukje diskriminimin e pakicave etnike në vend, si edhe nivelin e ulët të besimit të qytetarëve në drejtësi. Një djalë me origjinë rome vdiq në Korçë, në Komisariatin e Policisë, në paraburgim. Policia deklaroi se vdiq për shkaqe natyrore, ndërsa familja e viktimës akuzon policinë per vdekjen e tij, për shkak të etnisë. Familja ka deklaruar publikisht se, nëse Shteti nuk do të dënojë fajtorët, do të bëjë vetgjyqësi.

Puna dhe lajmet të reja nga vullnetarët

Vullnetarët në fillim të muajit kanë udhëtuar drejt Tropojës për t’u qëndruar pranë familjeve në gjakmarrje. Me një prej tyre, në mënyrë të veçantë, jemi duke bërë një punë të rëndësishme për qasjen në drejtësi, për të kuptuar përse vrasësi i të afërmit të tyre është liruar nga burgu pasi ka shlyer vetëm disa vite dënimi. Falë bashkëpunimit me avokatin tonë, tani dimë se familja duhet t’i drejtohet Prokurorisë së Rrethit. E konsiderojmë një vendim të rëndësishëm dhe e mbështesim në mënyrë jetike zgjedhjen e familjes për të ndjekur rrugën ligjore sepse kjo i largon nga gjakmarrja. Gjithashtu kjo zgjedhje përforcon vullnetin e familjes për të falur vrasësin. (më tepër…)